Ўртамизда гулхан муҳаббат!

(Қўшиқ матни)

Бизни айриб қўйди шаҳарлар,-
Ўртамизда денгиз, уммонлар.
Бизни айриб қўйди саҳарлар,-
Ўртамизда ҳижрон, армонлар.

Кўзларингга ташрифномам йўқ,-
Тайёрагоҳ, бандаргоҳлар берк.
Ўртамизда ёлғизгина чўғ...
Ўртамизда фарёд, оҳлар, чек...

Нақорот:

Мен Тошкентда, сен Нью-Йоркдасан,
Айриб қўйди бизларни хилқат.
Мен - йироқда, сен - йироқдасан,
Ўртамизда қайноқ муҳаббат!!!

Қўлим чўзай десам етмайди,
Айриб қўйган тубсиз океан.
Азобларим асло битмайди,
Қайлардасан севгим, Сониям?!

Ўртамизда ҳадсиз туғёнлар,
Ишқу севги - билмагай сарҳад.
Ўртамизда тоғлар, ўрмонлар,
Ўртамизда гулхан муҳаббат.

Нақорот:

Мен Тошкентда, сен Нью-Йоркдасан,
Айриб қўйди нечук, о, хилқат.
Мен - йироқда, сен - йироқдасан,
Ўртамизда кўприк муҳаббат!!!

Бизни айриб қўйди Ер шари,
Бизлар гўё икки сайёра!
Сени излаб елгум сарсари,
Тополмайман қалбга тайёра!

Бир-биримиз излаб оламда,
Сен – овора, мен ҳам овора.
Бизни қисмат айирди бунда,
Мен сенга - зор, сен менга зор-а?!

Нақорот:

Мен Тошкентда, сен - Нью-Йоркдасан,
Айриб қўйди макон, бу хилқат.
Мен - йироқда, сен - йироқдасан,
Ўртамизда гулхан муҳаббат!!!